內地導演賈樟柯（右）憑電影《三峽好人》奪得今屆威尼斯影展金獅獎，佢噚日喺中環出席電影文化交流會，同十幾位香港學生分享拍攝電影及短片嘅心得，導演舒琪擔任嘉賓主持。賈樟柯話佢96年嚟過香港同大學生傾偈，佢覺得香港嘅學生較怕醜，相反香港嘅內地留學生就熱情得多。賈樟柯透露籌備執導一部講內地50年代國共關係嘅電影，預計08年開拍。