肥姐沈殿霞自出院後，一直喺屋企靜心休養，連日嚟有唔少圈中好友去肥姐位於九龍塘嘅寓所探佢，噚日下晝琴姐李香琴同譚炳文一齊嚟，逗留咗大約一個鐘先走，肥姐胞妹同兩個孫都有去探佢。 炳哥出嚟嗰陣有記者上前影相，佢有啲躁咁話：「冇乜好影啦！」問琴姐肥姐𠵱家嘅情況係點？佢話：「佢好番好多，係瘦咗啲。」至於肥姐幾時復出幕前，琴姐就話：「𠵱家梗係唔畀佢返工啦，要佢唞吓。」
