話韓星趙寅成係韓國新一代師奶殺手，相信都唔會有人反對，日前佢就成功打入以女性代言人為主嘅家電市場，擔任品牌LG洗衣機嘅廣告模特兒。廣告商話趙寅成嘅清爽純潔形象好配合產品，特別安排佢喺電視廣告入面，懶洋洋咁同隻狗玩。相信當地師奶fans睇到白白淨淨嘅趙寅成現身廣告後，即使屋企部洗衣機冇壞，都會叫老公換部新機！