黎姿與李詩韻昨日到奧海城出席護膚品活動，當被問及前晚《萬千星輝頒獎典禮2006》賽果的意見時，盛讚連奪兩獎的佘詩曼與得男主角獎的鄭嘉穎，她說：「阿佘演得好好吖，雖然我未睇晒《鳳凰四重奏》，賽果我唔覺得意外。」記者指以往通常一人只得一獎，黎姿說：「𠵱家分豬肉咩？我冇特別研究，有專業評審吖嘛。」
「得獎應該」
胡杏兒在頒獎禮食白果，問黎姿會否替她不值，她說：「咁佢唔止今年，佢仲有後年、大後年，佢係一個好演員，繼續努力啦。」對於鄭嘉穎被指是「無綫親生仔」所以有獎，黎姿說：「咁唔止佢，陳豪、林峯同林保怡都係啦。佢捱咗十幾年，我同佢一齊開工見佢真係好辛苦，我覺得佢個獎應得。其實所有坐得上候選台都唔係容易，個個都係用血汗、精力同時間換返嚟」。
採訪：藍文浩 攝影：葉君海