早前去西班牙試07年新MINI，廠方就帶晒我哋成班傳媒去參觀MINI車廠，話晒都係高度機密製車基地，非等閒之輩可以入內，今次有機會深入禁地，仲親眼睇晒成個MINI製造過程，咁難得，幾大都影番夠本，見大家都係MINI迷，唔使錢大公開又點話！
記者、攝影：黃婉冰
寶馬花30億搞大「產房」
如果你要我形容MINI產房，我淨係識用大同宏偉嚟形容，閒閒哋都有幾十個香港政府大球場咁大。最早期MINI廠房只得一間，亦即現在位於牛津的主要廠房，寶馬車廠收購後，豪花30億港元擴充，分別在Swindon、HamsHall開設引擎同零件分廠，加上六千多名員工，做車量由每年20萬架增加至24萬架，廠方表示，現時每架新MINI的平均總生產時間只需要24小時1架，效率果然高喎。
人手+機械密密做
24小時點做成架車呀？現今科技發達，只要密密做，一日24小時不停咁做並非無可能，家陣快速搜畫，話你知用人手同機械合作，創出極速做車技術。