招積域：周中英國盃賽都唔係正路波天下，今晚聯賽我要晒全部熱門波盤齊贏！
菠蘿文：你要乜嘢咁大口氣？唔係要曼聯同車仔吓話？如果係嘅我唔需要聽你講嘢。
車曼波膽過關搵餐飯
招積域：車仔贏屈福特3:1，再串曼聯贏布力般3:0，2串3贏番餐飯算啦！
侍仔：強弱對決一定大波膽？曼聯贏兩球夠啦，佢正選陣容輸畀修安聯，誓要喺布力般地頭出一出氣。
菠蘿文：曼聯、車仔我唔要，推介英冠波，又一強弱對決，修安聯食住個勢主場贏普雷斯頓。
侍仔：兩隊波路數差唔遠，普雷斯頓唔會係曼聯咁失策啩？見到普雷斯頓我就諗起「和」呢個字，買和局無走雞。
招積域：你哋唔好講低組別聯賽啦，錫菲聯同韋根呢類級數我都覺得唔夠班，我唔識咁差嘅波㗎。
敲愛華頓僅熟波膽1:0
侍仔：你住得好食得好，又有個錢，你點會欣賞次等貨色？叻嘅人鍾意睇低組別聯賽考眼光，好似你咁嘅二世祖，人畀乜你就食，無性格！
招積域：波膽你又打我對台，睇波又要加把口，侍仔你想點？
菠蘿文：口味唔啱唔使踩人嘅，係人都鍾意着靚衫食好嘢啦。侍仔唔好咁高調話人啦！
侍仔：算我唔啱，畀番場愛華頓對維拉嘅英超波過你，要愛華頓僅熟波膽1:0。
招積域：車仔贏屈福特3:1、曼聯贏布力般3:0，再過愛華頓1:0，3串7中晒就肥仔，世界仲有希望！
高洛文