早前到上海拍劇嘅日本男星中村獅童，已經喺前日下午由男職員陪同下返日本。一班記者晨早已喺成田機場等佢，但中村臨時改由愛知縣中部國際機場抵日，工作人員不斷遮擋鏡頭。據知中村返日本之後，就會正式同竹內結子討論離婚事項。另外，日本藝能界大阿姐和田秋子前日出席公開活動時不忘大鬧中村連番講大話，係自己攞嚟衰。