熱刺早前於聯賽擊敗車路士，周日作客雷丁理所當然要讓波。不過，熱刺近季每逢與車仔交手後，翌仗聯賽成績勝率極之低，實在不宜看高。另外，剛於西班牙盃第4圈止步的愛斯賓奴，近屆出局後翌仗聯賽亦冇運行，今受讓皇家蘇斯達平/半都要唔過。
熱刺撼「車」後勝率偏低
熱刺上場聯賽打破宿命擊敗車路士，絕對值得是贏的一方。然而，近4季熱刺在聯賽戰畢車仔後，翌仗聯賽成績僅得2勝1和5負（附表1），勝率25%；似乎他們大戰車仔過後例腳軟，相信今晚作客雷丁亦唔例外。其實雷丁主場甚硬淨，當中兩負只敗予阿仙奴及車路士腳下，目前「讓球」受讓平/半，熱刺肯定讓唔起。
其實，熱刺在戰罷車仔之後，於上周中的英聯盃在派出多名副選下，要苦戰120分鐘才將甲組的維爾港淘汰；因此，今訪雷丁就算強陣，亦有暗湧。
愛奴西盃出局後例唔掂
西甲方面，今期資料王找出近年於西班牙盃出局後、翌仗聯賽例唔掂的球隊數據予球迷參考。其中發現愛斯賓奴每每在西盃出局後，翌仗聯賽成績為1和4負（附表2）；當中於01/02球季作客下游的拉斯彭馬斯時，亦要淨負0:2。今晚愛斯賓奴將作客聯賽未嘗一勝的皇家蘇斯達，但「讓球」竟主隊要讓平/半，無論信莊家或信往績，博皇蘇贏波開齋開上盤。
文：畢傑