各位有無諗過，如果張10蚊紙幣爛咗點算？
係《香港討論區》內曾經引起過一陣討論，有位網友提出：「想問吓大家如果紙幣爛咗通常就係拎去所屬銀行度換番，咁如果紫色個隻10蚊紙呢？金管局印㗎喎，咁點呢？」
有位網友就好醒目咁話：「HKMA咪去HSBC囉。香港央行喎。」佢嘅答案係正確嘅，金管局畀我哋嘅回應都話，係攞番去滙豐度換。
不過，呢位網友嘅解釋就唔係好正確，破爛嘅10蚊紙幣攞去滙豐度換，原因係滙豐負責幫政府分發10蚊紙幣，而並唔係因為滙豐係香港嘅央行。
不過，滙豐亦有可能無法更換爛嘅10蚊紙幣，因為要視乎張紙幣有幾爛，如果爛咗半張紙幣，又或者無晒啲防偽特徵，睇怕滙豐都未必肯幫你換。