倫常慘劇一再發生，社福界指現時政府面對最大的困難，是難以察覺隱蔽個案，無法提供適當援助，但只要社會上每個人多點關懷身邊親友，已有助預防家庭悲劇再發生。
扶貧主席：情緒爆炸難救
扶貧委員會兒童及青少年專責小組主席蔡元雲，昨回應樂富康強苑發生的父親斬殺妻女慘案時表示，經濟轉型令部份中年人士產生抑鬱，他們的情緒一旦爆炸，可能會做出一些後悔一生的事情，惟政府難以向這些隱蔽個案提供協助：「精神健康嘅問題，最難處理嘅係嗰啲隱蔽個案，佢哋唔會出嚟搵你……嗰啲抑鬱家庭都抑鬱到唔會出街㗎嘞，呢點我諗係香港一個好大嘅挑戰。」
社聯總裁：關心身邊親友
社聯行政總裁方敏生則指，只要社會上各人多點關心身邊親友，應可及早阻止悲劇發生：「點隱蔽都會有佢嘅親人、工作（同事）、老師……我估每一個人對呢個醒覺多啲，能夠察覺身邊嘅人，睇到佢有呢啲問題去幫佢，呢個警覺性係成個社會都需要提高。」
本身是精神科醫生的全人發展中心顧問團主席黃重光表示，患隱蔽抑鬱的人可能並不自覺自己生活出現問題，因而較易將不滿情緒發洩在別人身上，造成更大的傷害。「因為佢哋唔自覺問題喺自己度，就會『賴』，唔去諗點解決，更加唔會去求助。」要避免悲劇炸彈爆發，他同意最有效的方法，是多點關心身邊人。