贏波係實力最好的證明，就算傳統強隊只要交不出勝利的功課，球迷就自然感到不滿，所有不勝的責任，全推在球員或領隊身上。
就講落場比賽的球員，狀態不足、精神唔集中、腳風唔順等等。另一方面，領隊又有甚麼責任呢？陣式錯誤、調動失當、決心不足等等。一切的理由，出自球迷口中，真是說得非常容易、十分輕鬆呀！
大家有冇想過，自己如果是落場比賽嘅球員，在你哋罵的同時，你們可以做得到嗎？又假如你是領隊的話，你會擺個甚麼陣式呢？你這個陣式可以一定贏波嗎？講唔出口，請大家收聲。
紅軍邁向6連勝
今晚兵工廠主場迎戰已5連勝的紅軍，實在是各有捧場客。兵工廠過份集中於中路進攻的缺點似乎已有改善，球員的狀態亦在主場不成問題。可惜今仗撞着陣式已調好的紅軍，前鋒一對拍檔古積特及高治，要撕破敵方的防線，比起之前實在來得容易。再加上賓尼廸斯亦已準備好迎接6連勝的來臨，不用多講大家已知比賽的勝負啦！
ROSA
由大氣電波走入文字傳媒，足球真係無處不在。