近期陣中傷兵逐漸復操的紐卡素，於周六英超早場到訪前線死火的曼城，應可做到坐和望贏賽果。適逢兩軍鋒線欠銳，預期紐卡素可憑中場球員質素取得較多控球權，並成致勝關鍵，紐記「讓球」受讓平/半，撐下盤。（球賽編號：星期六10；有線63及64台今日8:45pm直播）
早前受到被炒危機的紐卡素領隊羅達，最近得到主席薛柏特公開支持留隊，故現排19位的紐記為面子又好，為幫領隊爭氣又好，定會加倍落力作賽。更何況，紐卡素首席門將基雲已告傷癒，前鋒馬田斯亦可復操，陣容上已比先前完整。
紐記中場爛打爭控制權
有睇過紐卡素近期比賽的球迷，都知他們作客戰術較保守，如歐協盃勝巴勒莫一仗便排出「4-5-1」陣式，務求爭取更多控球權，是役盧基打單箭頭機會最大。事實上，曼城近仗僅得後衞李察鄧尼及米卡李察士曾入球，反映前線正鬧入球荒；加上右翼比士利足踝受傷缺陣，迫使前鋒華素爾要串演其位置，創造力將更削弱。
個人認為紐卡素3名爛打的中場安利、柏加及畢特將在今仗起正面作用，中場應佔較多優勢；以曼城主場「讓球」呈單跳走勢看，既然上場已勝米杜士堡開上盤，更添是役下盤信心。
畢傑