章子怡喺香港時間前日去咗紐約聯合國總部，宣揚下年夏天喺上海舉行嘅特殊奧林匹克運動會，當日上海市常務副市長馮國勤同中國駐聯合國大使王光亞等人都有出席。章子怡睇住台詞喺演講台上話全球有超過1億7千萬殘障人士，希望各地人民支持呢個咁有意義嘅奧運會。之後佢仲有幸同現任聯合國秘書長安南見面兼握手，難怪當日笑容特別燦爛啦。