【本報訊】在香港人心思紊亂的時候，主教呼籲教友7.1上街；在民主派心神不定時，主教斥責政改方案帶人遊花園，天主教香港教區主教陳日君上任主教職10年來，與香港人的命運、香港社會的民主發展緊緊扣在一起。社會運動及民主派人士對於他或離港發展表示惋惜，希望巿民及教友繼續其精神，為社會公義發聲。
希望繼續其精神
天主教正義和平委員會幹事孔令瑜相信，若陳日君離港，社會上會少了一把正義的聲音，「希望佢過去咁多年勇於發聲嘅精神，可以影響到其他人，繼續為社會公義行出嚟。」她表示，會尊重主教的決定，「主教嘅視野好闊，諗嘢好長遠，佢諗緊嘅係教會未來幾十年、甚至幾百年嘅發展，目光唔係淨係喺香港。佢咁大年紀其實可以休息吓，但係佢仍然願意負多啲責任，係好值得我哋學習。」
本身是天主教徒的立法會議員鄭家富則指，教宗對樞機的任命自有想法，「我當然希望陳日君樞機繼續發聲，必要時繼續協助，香港嘅民主仲可以有其他人做，但主教身為樞機，首要任務係服務教會，呢樣嘢係樞機先做到，對教會嚟講係好事。」