現時德甲有4支主場不敗球隊，其中1隊係史浩克04。佢哋試過主場擊敗雲達不來梅及賽和拜仁，實力毋庸置疑，周中作客主場強勁嘅慕遜加柏一樣照贏可也，有回勇迹象。最重要係今場對住包尾大幡緬恩斯，呢班波淨係開「咧」戰主場贏過「升班馬」波琴，之後10場差不多3個月未發市，作客就更加唔使多講。睇嚟緬恩斯嘅頹勢仲會持續，正所謂追打落水狗，今場一於博史浩克贏兩球，揀讓球主客和嘅「主勝」。
般尼受讓揀「客勝」
近年英冠經常出現一支「銀行隊」，好似前季嘅新特蘭同上季雷丁。今季被稱得上「銀行隊」嘅有卡廸夫城，喺英冠比賽16場中贏咗10場，勝出率有62%，長買佢贏波有利可圖。但近期嘅演出明顯有下跌迹象，近4場只係贏過新特蘭。相反般尼就狀態大勇，已經連續7場保持不敗，取得5勝2和，16場英冠賽事中只輸3場，不敗率高達八成，仲係現時英冠唯一作客不敗球隊。加上7場作客只失4球。今場般尼作客[+1]，揀讓球主客和「客勝」，相當正路。
阿鵬
有線球彩台主持
電郵：[email protected]