每隔一兩日，就會見有球隊易帥嘅新聞出現，換教練通常都離唔開3大原因：一就係球隊成績太差被炒魷；二就係連個教練都覺得自己帶得太差，引咎辭職；第三就係耐唔耐想轉換新環境。
20年來屹立不倒
講起換教練似走馬燈，我第一時間諗起皇馬。呢10年裏面，佢哋換咗12次教練，好多都係張櫈未坐暖，帶咗幾個月後突然有一輪連輸幾場，就俾人請吃無情雞。
除咗皇馬外，好多歐洲大球會都不斷有教練走馬上任，好似巴塞同AC米蘭呢10年就用上7位教練，邊似曼聯廿年風雨不改長用費Sir呀！
睇嚟費Sir呢個紀錄都真係幾難有人破。無他嘅，帶曼聯帶到攞「三冠王」，稱霸歐洲；代代球星如雲，佢功勞莫屬。
費爵爺今年踏入65，好多人都猜測佢幾時肯退位，但我就唔想咁快發生。
無咗佢，「紅魔鬼」就好似冇咗靈魂，點知新教頭會唔會帶差隊波㗎！費Sir，我求你要繼續呀！
WENDY
由歐國盃EuroBabes，變身球彩台受歡迎主持。