羅慧娟𠵱家間中都會客串拍劇，佢之前有份參演嘅《女人唔易做》前晚喺無綫台慶頒獎禮上得到最佳劇集獎，娟妹噚日喺灣仔出席「維港兩岸響」活動總綵排時表現得好開心，佢話：「我知道咗之後，喺屋企開心到嗌咗出嚟。我同雯女（鄧萃雯）就SMS聯絡咗，大家實在太開心喇！」娟妹仲畀記者睇個短訊，原來佢同雯女互相稱呼對方為天使，而喺活動上，娟妹仲化身成愛心天使，鼓勵一班傷殘人士。