楊采妮前晚到灣仔出席珠寶騷晚宴，並取代葉璇陪伴鄭裕彤食飯睇騷，鄭裕彤直指不知契女葉璇的下落。對於未能獲提名角逐金馬獎影后，楊采妮反而大表安樂，因為可避免與好友劉嘉玲和李心潔爭獎。
楊采妮前晚以特別嘉賓身份，出席周大福於灣仔舉行的「Reborninstyle」晚宴，以性感大露背晚裝配千萬鑽飾到場的她，雍容華貴地伴着鄭裕彤坐主家席。問鄭裕彤為何不邀請契女葉璇？他說：「唔係我安排㗎，佢（指楊采妮）都好好呀！」那可知葉璇在哪裏？他懶洋洋的說：「你哋call佢啦，我唔知，好似喺大陸喎！」
未獲提名感安樂
楊采妮則風騷非常，並賣口乖說：「好開心，其實之前佢哋喺羅馬影展已經贊助過我2,000萬珠寶，當地傳媒仲大讚，我都好驕傲同榮幸咁話係香港設計、香港出品。」她又透露將為金馬獎擔任頒獎嘉賓，問她未能憑電影《父子》獲提名角逐影后有何感受，楊采妮即說：「冇所謂啦，郭富城同小朋友有，我支持就得。而且今次（影后）提名，好多都係我好朋友，劉嘉玲以前一齊拍過《自梳》，周迅、李心潔都係朋友，我唔使爭埋一份已經好安樂！」
此外，名模熊黛林升格成嘉賓，與任葆琳和童愛玲在台下吃飯，反而前輩歐陽妙芝和李嘉慧等則要上台行騷。至於早前任亞姐評判的羅霖，提到隆胸疑雲的落選亞姐陳瑀涵時說：「實在太過唔自然喇！嗰個整容醫生應該吊銷牌照，真係做得太差！」
採訪：吳天慧 攝影：陳慧安
