方力申昨日在大埔嘉里白鷺湖互動中心出席「加州紅903遊樂團音樂集會第二擊」，逾百fans在露天場地暴曬仍熱情不減，小方也十分識做，共獻唱了11首歌，並與fans玩遊戲。
有消息指小方會在08年開演唱會，他說：「Paco（經理人黃柏高）係有同我講過，但仲未知，聽聞08年紅館要裝修，香港都有幾個場地可以開演唱會，但作為歌手梗係要喺紅館開一次，呢啲係身份象徵。」他表示希望在紅館裝修前舉行，還說：「如果時機適合，冇理由要押後啫！」側田比小方遲出道，但已搶先在紅館開個唱，小方表示並非因此加速其開演唱會心願，他說：「唔關事，自己成熟咗，又夠歌，覺得係時機成熟啫！」
採訪、攝影：魯萍