朱古力一向係我嘅至愛，行過city'super總要望兩眼有乜新款朱古力，經過放置Lindt嘅貨架，發現有一系列新口味，分別有熱情果等生果系列，亦有各款西式蛋糕味道嘅朱古力，如法式燉蛋、Tiramisu及四方蛋糕等。我即時睇中一向最鍾意食嘅法式燉蛋味（CremeBrulee），即刻買一排試吓。未行出門口已忍唔住咬啖先，講真味道唔差，而且咬到法式燉蛋上必有嘅粒粒脆口焦糖，只係略嫌燉蛋味唔夠香濃，朱古力則一如以往咁幼滑，下次一定要試埋Tiramisu味道㖭！
查詢：25062888 記者：黃若茵
