噚日焦媛、曾江聯同一班香港話劇團演員，到中環出席《德齡與慈禧》記者會，一眾演員仲即席預演咗三幕戲畀大家欣賞。對於今次要以普通話演出，焦媛話自己緊張到瞓唔着，而且佢喺演出前呢幾個星期決定唔出街，留喺屋企睇清宮劇。焦媛又話𠵱家所有朋友同佢傾偈，佢都只係會用普通話對答，因為佢真係好擔心演出時會講錯咗廣東話。