挨年近晚，又到聖誕，占咪仔在網上慨歎，「單身族有無開始諗聖誕節點算？𠵱家11月，但已經諗聖誕節做乜好，好驚。」孤家寡人愁對大時大節，在網上互訴慘況，可憐的網友「天蠍」附和，「我都好驚，無人陪好慘，出街又凍冰冰。」
其他單身族則提供「一枝公」過節好介紹，網民「onzno」說最好與其他一雙一對的朋友共度，「唔好怕做電燈膽，當研究香港情侶生態，一樣自得其樂。」ejding稱應買定大堆DVD煲碟，之後吃粒安眠藥，「一覺瞓到天光就最好。」ling1126ling表示平時難得留在屋企，既然聖誕節無節目，更加大條道理陪伴家人，而且與父母出街由他們找數，慳番一筆，「雖然兩個老人家係就係煩啲，但佢哋好關心我，同佢哋去街仲唔使畀錢㖭。」一些男網友則說單身唔使煩，最好聯袂北上尋歡。