Wow！呢個星期，真係踩爆引擎！德甲加開凌晨快車，做到無停手，再接戰香港未來08奧運，諗住唞一唞，唞一唞仲激！屋企裝修換全屋水喉，連張床都要拆埋一邊，呢吓認真攞命！
好彩！過程中找到突破！后海灣幹線，舉行咗新界區百萬行，冇記錯嘅話，有條校訓，係教我哋要服務社群（ServeCommunity）！屯門係自己主場，略盡綿力身體力行，確係賞心樂事！
沿途風光水天一色，但點解係灰色嘅呢？無驚無險，到達終點，成隊人落藍地醫肚，一盅兩件，倍感幸福！
願共建愛心香港
原來公益金可以將全數捐款，全數喎！撥給社會福利機構，為長者、傷殘人士、兒童、青少年、問題家庭、精神病康復者、釋囚或垂危病人，提供全面服務！佩服！
忽發奇想，若果你哋投注嘅同時，留起幾蚊雞，喺公益金售旗籌款日，買番支旗，我肯定你超型！但願將行善積德的訊息散播開去，共同建造一個充滿愛心的香港。
馮嘉奇
碩士球員讀萬卷書，親身歷盡各國足球風情。