【本報訊】康強苑倫常慘案中，疑兇先後斬殺女兒及分居妻子，城大犯罪學課程講師黎定基指出，「通常大人有感情問題，好多時都會發洩喺小朋友身上，原因包括小朋友較易征服，可以用嚟要脅對方，以及發洩對配偶嘅不滿，亦有啲因為錯手傷咗佢哋都唔奇。」
疑兇並非有預謀
黎定基估計，疑兇先向睡夢中的兩名女兒下手，並非因為「壯膽」，而是較容易下手，「起碼佢哋唔識反抗，同埋可以要脅番佢哋阿媽，等佢好驚。」他相信，疑兇並非有預謀地犯案，否則不會開門讓警方入屋調查及施救：「其實佢衝動過後冷靜落嚟，會顯得呆滯同懊悔，只係想做番啲嘢，但都已經返唔到轉頭，根本唔知點做好，更加冇諗過要走，因為佢都冇計劃要咁做。」
至於案中幼女傷勢較母親及姊姊輕，一度尚有氣息，黎相信與她是疑兇的親生女兒有關，「同夫妻關係比較，中國人一般較重骨肉情多啲。」
清晨非高危時段
雖然今次慘劇與七月在愛民邨發生的倫常慘案一樣，均是在清晨時分發生，但並不代表清晨時分屬家庭悲劇的高危時段：「可能只係因為大家嗰時起身見到又嗌交、又或者有人啱啱返到屋企，初則口角、繼而動武。」