緬甸菜邊度有得食？我只係想到謝斐道的「金緬甸」，劉生劉太是緬甸華僑，喺香港相識及結婚。早年二人於另一同鄉開設的緬甸餐廳工作，後來餐廳結業，二人覺得緬甸菜在香港仍有市場，不如開店做生意，遂於2001年在謝斐道現址開業。
開業有5年多，得來的是一班經常捧場的熟客，劉太話︰「舖位個位置唔算係好多人知，通常都係熟客來幫襯，所以我哋星期六、日同假期都只係開夜市，咪當可以休息吓囉！」小小的店子是兩夫婦的心血，老婆負責廚房內的大小事務，老公就樓面廚房兩邊走。店中所需的材料大多從緬甸直接入口，其餘的就是二人每天一齊到菜市場買，逢新年返緬甸都鍾意睇合適的新材料，日日好似拍拖咁，真係甜蜜！
記者︰方綺君
攝影︰楊錦文
炸蝦餅$55
唔似得街外店，粉漿多過蝦，金緬甸的炸蝦餅內有大大粒蝦仁，加入芽菜就算炸亦不會膩。
緬甸大蝦$140
以緬甸咖喱煮成的大蝦，咖喱質地沒有泰國和印度般水汪汪及較亁，加入番茄、洋葱和香料即炒，微甜惹味。
茶葉沙律$45
鮮茶葉和椰菜煮好後切碎，入口像混入了薄薄一層醬料，配合炸蒜、花生等食用，是絕佳的送酒小食。
金緬甸餐廳（28389305）
地址︰灣仔謝斐道379-389號地下8號舖