君子、偽君子、真小人，你會做邊樣呢？卡卡就選擇了做真正嘅君子，後果相當嚴重！另外，卡卡肯定今晚無波入，點解？
外電報道，AC上場對阿特蘭大，卡卡本來有機會為球隊追成平手，不過佢故意射失！佢並唔係打假波，而係佢唔想喺對手跌低、失位情況下入波，破壞自己踢波嘅原則！以上係卡卡親口向記者承認，後果當然係AC全失3分！
球場上兵不厭詐，當卡卡高調回應記者後，羅馬球員心中有數！插水、詐死、可能招數盡出。當然，呢啲係欠缺體育精神，不過防人之心不可無！再者，以AC現時嘅狀態，加度素仲要養傷，雖有主場之利，但我相信都好難贏到狀態十分強勁嘅羅馬！
唔瞓都要睇西維爾
等咗一段時間，終於可以睇到西維爾直播嘅比賽！除季初輸畀巴塞之外，以全勝姿態暫列西甲榜首，勁呀！睇資料，簡路廸拍住基柏，仲有個連拿度，呢個入球鐵三角好似好勁！一於落足眼力睇吓佢哋點樣作客贏波啦！
周鵬
商業1台《球迷集中贏》主持
電郵：[email protected]