提名最佳男主角
我最喜愛的電視男角色
陳豪憑《火舞黃沙》有份角逐最佳男主角等獎項，在一眾花旦小生興致勃勃挑選戰衣之際，他卻急急腳到中環Headquarters找相熟髮型師Ivan剪髮，他笑說：「我拍《溏心風暴》梳咗個蛋撻頭足足四個月，套劇啱啱拍完，咪即刻嚟大變身，跟住先至搵時間揀衫。」
睇好秋官
雖然陳豪在觀眾投票方面未能打入五強，但由於觀眾投票只佔3成，故他仍有望突圍。問他得獎信心有多大，他說：「都有信心嘅，始終個獎係畀到你信心同肯定，代表你演技得到認同。開頭好似有啲風聲，話邊個邊個會攞獎，不過自己冇諗太多，亦冇質疑自己嘅能力，就算《火舞黃沙》收視唔算太高，都冇影響到信心。其實我睇好前輩秋官（鄭少秋）攞獎，因為佢嘅演技係有目共睹，畀獎佢都應該。女主角我就會揀蔡少芬同鄧萃雯，佢哋嘅實力明顯比其他人高。」
頒獎禮舉行在即，問陳豪有否緊張？他說：「今年平靜啲，可能喺呢行時間愈耐，愈會無爭。有獎係bonus，冇獎都冇所謂，不過我都好心急想知道結果。」
採訪：卓寶花 攝影：葉君海
髮型：Ivan（Headquarters）
