盈拓出售電盈（008）股權傳快將落實，刺激該隻史上最多散戶「蟹貨」的藍籌股狂抽6.9%，高見5.33元。公道地講，「8號仔」難得以大陽燭爆升，後市應會朝7月初大裂口區進行回補，換言之升勢應有餘未盡。
不過，從「盈動」當年鯨吞香港電訊前見過28.5元「天價」之後，每次風聞電盈可炒，星俠都感到有點為難與矛盾！當一隻被散戶恨之入骨，形容為大市「藍燈籠」的股票，忽然在股海兵荒馬亂之際大幅抽升，現象背後未必值得高興，反而要開始提高警惕。然而電盈在6月時升勢更勁，港股亦冇玩完，傳統觀念與智慧在「大時代」或已有變。星俠估計，港股今波大牛市若真有朝一日玩完，市場最後炒的股份或是工行（1398）。
大市風急雨驟，散戶渴求安寧。股海中真有一隻安寧(128)，屢傳華懋集團擬注入資產，順便借殼上市成為旗艦，但亦一直遭否認，孰真孰假不得而知，股友若有貨真不知會否感到安寧？安寧平均線走勢算OK，若見異動可博，以橫行區底部0.52元作止蝕。
高盛目標睇1.8元
星俠亦留意到上海先進半導體（3355，英文名ASMC）英文名與ASM（522）幾乎一個餅印，但股價相差得無倫，落後大市甚多。該股中期業績已扭虧為盈，明日所公布的第三季業績實堪憧憬，高盛發表報告維持先進目標價1.8元。莫說1.8元，如果真係炒上，能升至1.36元已經贏到笑。
方星俠