水着女星出身嘅岩佐真悠子，近日有份演出日劇《交響情人夢》，但係佢只係一個超級閒角。前日因為同門師姐若槻千夏感冒請病假，佢就以替工身份代對方擔任東京消防署長一日，乘機爭取曝光機會。着起署長制服嘅岩佐神氣十足，喺東京錦糸町消防署指揮大規模消防演習，睇佢係咁指手畫腳，似做戲多過做指揮囉。