憑主持無綫搞笑節目《美女廚房》而人氣反彈的梁漢文(梁炳)，日前率領他的私房美女──女友Karen走出廚房，盛裝出巡銅鑼灣百德新街。雖則兩人拍拖9年，已是老夫老妻，但梁炳不但和女友溫馨搭膊，乍見她被記者拍照時更緊張護駕，愛護之情溢於言表。
梁漢文和模特兒女友Karen日前拍拖夜遊銅鑼灣，當晚約7時許，兩人齊齊穿上黑色飲衫現身百德新街，梁炳全套黑色老西配白恤衫，Karen則穿黑裙襯長靴，簡直襯到絕，引人注目。
衝過馬路
現場所見，當時Karen正手挽兩大袋戰利品，由梁炳陪同下離開D-mop時裝店，其間兩人不約而同低頭玩手機短訊。雖然沿路也有不少途人認出梁炳，但他毫不避忌，還大大方方搭着女友香肩，漫步街頭。
明年是梁炳和Karen拍拖10周年，早前男方還開出娶老婆期票，決定明年與女友拉埋天窗。雖然兩人現時已有點老夫老妻feel，但梁炳對女友依然細心，當他離遠見記者在對面街拍照，即跑到記者跟前，面帶微笑說：「影好多喇，夠喇，唔好再跟喇，好唔好？」其後又跑回對面街，與女友步往的士站上車離開。
其實Karen平日甚少上鏡及接受訪問，也頗抗拒被傳媒拍照，但今年6月卻豁出去出席男友新碟的宣傳活動，以示支持。難得女友如此識做，毋怪乎梁炳為女友不惜以身擋駕。
採訪、攝影：娛樂突發組
