在TVB台慶最佳男主角觀眾投票中五強不入的陳豪，前晚與緋聞女友廖碧兒往將軍澳出席Gucci活動，提到陳未能入選五強一事，廖碧兒即熱情蹺着對方的手說：「我對佢有信心、佢係OK嘅，有冇（獎）佢都係OK嘅。」
超級名牌Gucci前晚於將軍澳邵氏影城舉行時裝騷及派對，出席嘉賓包括有曾傳緋聞的陳豪及廖碧兒、劉嘉玲及關之琳等，邵氏影城主人家邵逸夫（六叔）則由妻子方逸華及陳志雲陪同出席。
陳豪尷尬抿嘴
緋聞男女陳豪及廖碧兒，被記者取笑難得情侶檔上陣，廖碧兒聞言更正說：「我哋係男女檔至真。」提到陳豪在TVB台慶最佳男主角觀眾投票中五強不入，廖碧兒即時主動蹺着陳豪手，力撐他說：「我對佢有信心，有冇（獎）佢都係OK嘅。」
記者指只是廖碧兒個人認為陳豪OK，她即堅決地說：「係，我覺得佢OK就OK。」面對「男女檔」拍檔廖碧兒突如其來熱情力撐，在旁的陳豪顯得一臉尷尬。
嘉玲大讚中田
此外，劉嘉玲前晚在場內巧遇日本型男中田英壽，她大讚對方charming，對於有雜誌指其母搬回與她同住一事，嘉玲說：「我哋唔係一齊住，不過經過嗰件事（父親去世），我同媽咪關係係close咗好多，好似佢鍾意食辣蟹我咪陪佢食囉。」
採訪:顏英儀、吳天慧
攝影:陳順禎
