馬浚偉噚日喺元朗拍攝劇集《天機算》嘅一場騎馬戲，雖然馬仔都有騎馬經驗，但佢噚日騎上馬背嗰陣，發現隻馬有啲唔妥，所以有關大動作嘅奔馳場面就搵替身做，馬仔只係需要拍攝騎上馬背嘅戲份，不過隻馬起前蹄時，馬頭就撞正馬浚偉，令佢左邊面腫咗，左眼更加睜唔大，工作人員於是將佢送咗去私家醫院檢查，佢依家已經出咗院，今晚會如期出席台慶頒獎禮。