名模樂基兒昨日與熊黛林及羅霖等往銅鑼灣名店廊行騷，早前見她行騷時發現其大腿側的BB紋身圖案不見了，昨日她終承認以激光褪走紋身圖案，並主動透露連右手拇指位置的海馬紋身圖案也一併褪走，該位置現已結焦，她說：「我不嬲做嘢係鍾意做就做，全身總共有五個紋身，𠵱家唔要呢兩個，唔代表我會陸續褪走埋其他嘅紋身。」她又說：「用激光褪走紋身要四至八次先可以完全褪清，過程畀紋上去時痛好多倍，所以我以後唔會再紋身啦。」問她這是否男友黎明的要求？她說：「唔係。」
定期做檢查
另外，有周刊報道樂基兒早前在醫院出現看婦科，又指她秘密入院四小時，她說：「呢段新聞好離譜，又冇新相，嗰張醫院門口相係舊年11月嘅，完全作嘢，我同大部份女性一樣，都會定期做婦科檢查㗎啦。」
採訪:顏英儀
攝影:陳慧安
