濠賭鬥得㷫烚烚，賭王千金何超瓊嘅5050好拍檔美高梅（MGM），就決定響賭城拉斯維加斯另起爐灶，獨撐70億美金嘅綜合發展項目CityCenter，估計毛利率有15%。喺呢塊66英畝嘅地皮，MGM打算起一幢60層高、有4000間房嘅博彩酒店，仲有兩幢𠵱家熱爆嘅精品酒店：一幢由文華管理；另一幢由負責過香港新機場嘅FosterPartner設計。
佢哋個50萬平方呎商場又用天幕做噱頭，等個Project09年底落成，煲呔去彼邦定可圓夢！MGM嘅PR高級副總裁AlanFeldman噚日喺中環文華推介時仲話，雖然美國經濟有啲放緩，但拉城好似唔關事，年頭至今嘅豪宅已炒高9%，過去兩年仲升咗22%㖭！