風流漢拋妻棄女、侮辱配偶「你比啲雞（妓女）差好遠」，但作為妻子仍兩度來港尋夫，試圖挽回感情。有社工提醒女性，在維繫婚姻之餘，別忘記保障自身安全及計劃後路。
和諧之家社區教育及資源督導主任葉長秀指出，男方強調太太無法滿足自己性需要而尋花問柳，反映夫妻間性生活並不協調，如希望維繫該段婚姻，雙方應向專業性治療師求助。在此期間女事主應保障自身安全，包括如與丈夫發生性行為時要求使用安全套，免感染性病，此外亦要為將來打算：「問自己係咪接受到，係咪冇咗佢唔得，日後嘅生活會點？如果啲問題解決唔到，分開會唔會係最好方法呢？」
她強調，向配偶說出侮辱說話，包括指對方身材走樣及性技巧差等，屬家庭暴力之一，「唔係一定要打要鬧先算，因為咁已經令另一半構成心理壓力，有啲人更加會因而患抑鬱症，所以係性虐待及精神暴力嘅一種，可被民事索償。」