黎明早前不惜工本拉隊到紐約拍音樂電影，為襯托紐約曼克頓橋的美景，特別租用一部價值逾500萬元的勞斯萊斯Phantom系列豪華房車拍攝，一向愛車的黎明見到後簡直愛不釋手。
黎明（Leon）自編自導自演、千萬製作的Amusic音樂電影《緣邀知音》，將於下周六為公益金舉行慈善首映禮，屆時該公司會總動員撐場，音樂電影的DVD則於下月中推出。今次黎明選在紐約曼克頓區拍攝，更租用了一部價值超過500萬元的勞斯萊斯豪華房車拍其中一場戲，如此昂貴的房車，Leon也是首次見識到，所以他即跳上車研究一番。
衞詩街頭賞舞
記者問Leon會否買一部勞斯萊斯，他笑說：「勞斯萊斯真係好豪華，不過我仲年輕，都係覺得跑車比較適合自己。」他又揚言擔任音樂電影導演是一個大挑戰，Leon說：「做導演處理嘅事特別多，尤其係到外國開工，我哋挑選嘅紐約幾條著名大橋做拍攝地點，事前要向當地政府申請，過程都好艱辛，因為拍攝嘅內容全部都要報告，手續好繁複，但佢哋好支持電影工業，仲特別派出警察開路。」
至於首次踏足紐約的衞蘭與衞詩，於飛機降落的一刻已甚興奮，衞詩又說：「可能因為我鍾意跳舞，每次喺街上睇到幾個人喺街頭演出，都忍唔住停低欣賞，覺得佢哋舞步特別精采。」
撰文：葉雪
