曾歷事業低潮的黃德斌，認為當一位成功藝人很講求天時地利人和，機會到來時固然要珍惜，否則就要為生活放下藝人尊嚴。由於一直沒放棄自己，去年終於守得雲開，憑着晒胸演出的劇集《火舞黃沙》上位，臨近台慶頒獎禮，他癡想可以囊括三獎項。
黃德斌在劇集《火舞黃沙》中扮演宋東陽一角，造型中盡展其健碩胸肌，散發濃烈男人味，如此一露，即人氣急升，並成為《萬千星輝頒獎典禮2006》最佳男配角頂頭大熱。
操肌肉多年
除了獲提名最佳男配角，黃德斌兼獲我最喜愛的電視男角色和飛躍進步男藝員兩提名。他說：「俾人提得名嘅，自己一定要有信心，如果唔係就對唔住投我票嘅人，坦白講，我冇諗過邊個獎係我嘅target，我攞晒三個梗係最好，不過呢個梗係狂想，根本冇可能。」
黃德斌認為演好每個角色是演員基本責任，獲得獎項只是額外獎勵。由於曾歷事業低潮，他說：「我覺得每個人都會試過面對挫折，情緒上一定會受到影響，我會安慰自己唔可以強求，唔可以放棄，亦唔可以將一切放到好大，以為自己係明星嘅身份乜都放唔低。我堅信一直做好自己，一定有機會俾人賞識。好似我嘅一身肌肉，跟咗我十幾年，只不過冇人留意到，直到拍《火》劇，大家先將佢放做焦點啫。」
自問唔靚仔
問黃德斌可介意日後仍要經常賣肉？他說：「藝人絕對需要將自己優點表現出嚟，我自問唔係靚仔，只不過用另一個方式去表現，不過都希望公司會繼續派多啲好角色同工作畀我去嘗試。」
採訪：比華利
攝影：林德雄
服裝：PATRIZIAPEPE
