毋須吹谷 照紅外光升胸

毋須吹谷 照紅外光升胸

天氣轉涼,女士們又要面對兩難局面:究竟要着貼身衫顯露玲瓏曲線,還是着厚衫保持身體健康呢?其實冬天着衫要好睇,豐滿嘅上圍就更能令曲線突出,唔信嘅可以睇吓各女星早已先知先覺,用盡方法令身形看來更澎湃。要快有效果,可以參考以下最新豐胸treatment,令身形更洶湧澎湃。
記者:陳穎欣
攝影:林栢鈞
Model:ElizabethP.@Starzpeople
Wardrobe:EmbryForm

女星搏命谷

■亞姐陳瑀涵嘅湯碗胸,相信要無數treatment先可跟上。

■Jolin選擇以針灸和瑜伽美胸。

■吳佩慈就靠食豐胸丸、高蛋白食物和擦豐胸霜豐胸。

多用途雷射機

唔單止皮膚更新要從根本出發,連豐胸亦要刺激身體細胞,令其重整和收緊。最新嘅「柔和雷射機」特別處在能同時射出650納米可見紅光及904納米紅外光,親膚性更佳,因此令皮膚更易於吸收,令其有效刺激細胞回復緊緻有彈性,更有效達到胸部提升效果。此機性能多樣,還可治脫髮、治暗瘡、黑頭等。

Step

1.先用磨砂膏去清死皮,再用軟紅外線照射4個豐胸穴位各30秒。

2.塗上緊緻精華油輕輕按摩胸部5分鐘。

3.最後鋪上紗布和敷上泡泡嫩膚收緊mask約10分鐘。

試後感

胸圍吋數無變,但感覺提升咗,效果唔錯。

胸圍34吋

ModelElizabethP.:「即時感覺到件bikini好似窄咗,仲有種提升效果㖭!」

Softlaser胸部細胞活化護理
$1,380/1小時

人手推胸更集中

想有好效果,可選用人手按摩推胸,用於身體脂肪比例較高人士尤其見效。技師會先塗上緊緻精華油,以多種手法將胸部脂肪推得更集中,令身材變得更豐滿。就算隆胸後有移位情況,都可用以上treatment補救。

Step

1.先用人手由下推上,提升胸部。再由外推向內,可使脂肪集中於胸前。用雙手拉鬆胸部韌帶,可促使胸部提升。

2.將胸部以下脂肪向上推,能令曲線更突出漂亮。

特效人手激活美胸護理 $1,380/1小時
修身堂(23118111)

紅藍綠光 結實提升

另一療程則運用近來勁hit嘅LED機作胸部提升,它將有收緊作用嘅紅藍光線及柔和防敏感嘅紅綠光線打至深層細胞,暢通淋巴系統以喚醒細胞,使胸部更結實堅挺。配合mask和香薰按摩,豐胸又能relax。

Step

1.先作深層清潔,以光線射入5個穴位啓動淋巴系統。

2.塗上收緊精華液,用機頭的吸力推動胸部外圍贅肉集中於胸前。重複進行1次光能照射,以光能鬆弛胸部韌帶。

3.敷上活細胞胸部結實精華和體膜待20分鐘洗淨,塗潤膚霜。

光能胸部提升護理 $980/50分鐘(首次試做半價)SasaBeauty(29702188)

舉手豐胸

除了做機,在家還可以做些簡單動作,以收健胸之效。

扮大力士

1.雙手彎曲成90°放於頭前方,吸氣。

2.呼氣,雙手拉開至頭部兩旁,雙手同時保持90°。

次數:每次3組,每組30下。

向後拗

1.雙膝跪地上,雙手放大腿,吸氣。

2.呼氣,挺起胸腹,舉高右手,如覺乏力可把左手輕放腳跟借力。換手再做。

次數:每次3組,每組左右各10下。

谷胸勁索

若嫌機器效果慢,人手推又怕尷尬,不妨試試前扣adjustbra,睇落同普通bra無異,只要將前扣帶子索短,便能成功即時谷胸,想幾大自己話晒事。

真人示範

■戴上時跟一般bra無分別。

■只要索短前扣小帶子,身材即時迫爆!

360°Optimum$289
EmbryForm(25763876)

療程唔怕做

Alice:「我試過豐胸treatment,做咗1個月發現效果理想,身材有改善。」

Jessie:「其實豐胸都係想靚啲,鬼妹身材咁勁,做treatment都可以迎戰吓。」