與達明一派拍檔黃耀明不咬弦的劉以達，近日另起爐灶與李璐璐組成樂隊「達與璐」，並將推出同名大碟。雖然二人的年齡相差19載，彼此之間不但沒代溝，劉以達還大讚李璐璐令他心態年輕，如沐春風，音樂創作靈感也源源不絕。
現年43歲的劉以達和24歲的湖南姑娘李璐璐，最近組成樂隊達與璐，本月中會推出同名大碟，二人雖相差19歲，但沒有代溝，還擦出新火花。
問劉以達與李璐璐合作，跟達明一派的拍檔黃耀明有何不同？他說：「璐璐同明哥好大分別，以前明哥會參與做音樂嘅內容，佢堅持自己一套意見，但同璐璐就會有商有量。我都擔心同一個細自己19年嘅妹妹合作會有代溝，但我哋之間不但冇，仲有好大衝擊，佢帶咗好多年輕人嘅藝術觸角同心態畀我，等我都年輕晒。我哋大家都係對方嘅師傅，大家一齊坐埋創作音樂，好夾吓。」
「想拍劇情片」
劉以達表示暫時主打音樂工作，他說：「我希望搞好呢隊band先再安排拍戲工作，況且暫時冇人搵我拍戲，正好專心搞音樂。我希望片商除咗搵我拍喜劇，都可以發掘我拍吓一啲劇情片。」
李璐璐則大讚劉以達是她的偶像，她說：「係朋友介紹我同佢組band，我心情好興奮，完全唔相信有呢個咁好嘅機會，我會好珍惜好努力，希望香港樂迷會接受我。」
採訪：比華利 攝影：陳偉權
髮型：MarcoWongofChin.G
化妝：MeeganSeakofMaeVon
李璐璐服裝：PrettyBecky