今周末揀3場英超聯及1場法甲聯波膽過關，4場用5注出擊，圖取巨額回報利錢。
米杜士堡上周果然輸畀屈福特，成為今季升班馬「開齋」恩物。既然「米堡」繼續遇弱愈弱、遇強則愈強走勢，今輪主場對剛連贏兩場、包括上周擊敗阿仙奴、有復蘇之勢嘅韋斯咸，「米堡」睇嚟有機會「反底」，博主隊贏2:1。
富咸今季表現唔錯，晨早就打開咗客場勝門，喺第4輪秩序作客贏紐卡素2:1，唔使好似上季咁，去到季尾至可以喺新特蘭身上打開作客勝門。贏紐卡素後至今，3場作客聯賽都能保不敗，今日作客樸茨茅夫，撞正對手近況麻麻，富咸可以睇好少少，博贏1:0可也。
雷恩搶分可和朗斯
保頓今季表現亦有特色，就係幾乎場場都同對手只合共炮製1個入球，唔係佢哋贏人1:0，就係輸0:1。今周作客升班馬錫菲聯，保頓牌面係高啲，錫菲聯今季喺主場對前列球隊，表現始終唔係咁放，睇怕保頓今仗又可以1:0奏凱。
法甲聯上周爆冷有「里」嘅雷恩，打破咗里昂個不敗身後，士氣可期延續到今周，作客遇上朗斯呢支近況平平球隊，預計雷恩有計搶分，即管博和波1:1。
文：華度