《華爾街日報》調查發現，喺六家大企業中，有成31%美國人鍾意同著名網站美國Google打工，其次係美國「股神」畢菲特的投資旗艦巴郡（29%），以及大型綜合企業通用電氣（GE）（12%）。醫療設備生產商強生（J&J）和豐田汽車就叮噹馬頭，各得票10%；另有8%人希望加盟咖啡連鎖店星巴克（Starbucks）（見附圖）。
喺該報嘅討論區，網友davelentz話，如果想大創一番事業，發揮領導才能和創作力，就應加入Google大家庭，呢間公司有好多富挑戰嘅工作。但Google嘅招聘程序俾指過於繁複，可能嚇怕一啲有潛質嘅求職者，以至「肥水流入別人田」。
davelentz又話，喺上面所講嘅六家公司中，GE薪酬可能最高，啱晒想搵銀嘅人。amarchenkova亦渴望加盟GE，因為呢間公司嘅行政管理夠完善喎。
畢菲特鼎鼎大名，當然吸引好多人慕名想去巴郡打工。akmconsult話，如果喺巴郡打工，話唔定可以學到股神嘅投資策略，係就獲益唔少。而jofclark想加入豐田，話希望體會呢間公司先進嘅生產科技喎。真係人各有志。