榮文蔚和薛芷倫前晚往中環出席Gucci晚宴後，一行人到Dragon-i消遣。穿上Gucci拖地長裙的榮文蔚抵埗使用電動樓梯時，裙腳「攝」入電梯隙縫，令她動彈不得，場面尷尬，最後要剪掉一小截裙腳才能脫身。
超級名牌Gucci前晚於其中環新店樓上舉行晚宴，座上客包括韓星李秉憲、關之琳及劉嘉玲等，其中最姍姍來遲的是薛芷倫及榮文蔚，一身超低胸金色Gucci晚裝的薛芷倫配搭閃閃黃鑽，十分搶鏡。
為疤痕解畫
問薛芷倫為何遲大到？她說：「我要睇埋啲小朋友嘛，都唔係好遲啫。」有雜誌指她臂上有一道顯眼的疤痕，疑是用激光褪走火玫瑰紋身，前晚她說：「我要澄清呀，報道失實，呢個係美麗嘅誤會，道疤痕係細個注射卡介苗時遺留落嚟嘅疤痕，唔需要大驚小怪。」問她有否打算做磨皮手術令皮膚變回光滑？她說：「唔會，呢個係我美好嘅回憶。」
晚宴結束後，薛芷倫相約榮文蔚、何超瓊等往Dragon-i夜蒲，怎料她們抵達時卻發生一段小插曲，話說身穿黑色拖地Gucci晚裝的榮文蔚使用行人電梯時，由於裙尾太長，不慎「攝」入電梯隙縫，電梯即時停頓，榮文蔚只好站着，後面的途人則改用行人樓梯，場面十分尷尬。
擾攘五分鐘
事件擾攘了五分鐘，最終職員用剪刀剪掉榮文蔚裙尾一小截布，她才能走動，但電梯依然不能運作。問「𤓓爆」的榮文蔚名貴晚裝要剪爛，會否心痛？她無奈地說：「都冇法啦，好肉酸呀，你哋唔好登得唔得呀？」
採訪：JessicaNgan、CamelLok
攝影：MatthewLam、ChanChiLam
