林海峰開騷加場緊張磨牙

林海峰（阿Jan）下個月15號喺會展舉行「林海峰……是但噏踎低噴飯」棟篤笑，啲飛一早賣晒。主辦嘅商台製作噚日宣布加開16至18號兩日，共演4場。阿Jan噚日接受商台訪問時，話考慮將海報上嘅金廁所擺上舞台，只係擔心有個廁所喺個台度會變成成晚都係「廁所位」。阿Jan仲話為咗個騷搞到心情緊張，連瞓覺都會咬牙切齒，仲試過俾自己啲磨牙聲嘈醒㖭。