容祖兒、蔡卓妍（阿Sa）、泳兒、李逸朗及蔣雅文等，昨日在數碼港出席「英皇娛樂台簽約儀式」記者會，英皇娛樂台將與無綫收費電視台合作。
早前的《翡翠歌星賀台慶》上，高皓正被介紹出場時，祖兒疑在旁大叫「渣、渣、渣」，對此Joey起初說：「我真係冇喎！」繼而又扮失憶說：「我真係唔記得，係咪真係有嗰把聲，我應該冇講過。」
今個月22日生日的阿Sa，手上戴了一條茶色鑽石手鏈，她說：「係阿嬌（鍾欣桐）送嘅生日禮物。」問可有收過鄭中基的鑽飾禮物？她說：「從來冇男仔送過鑽飾畀我，鑽戒更加唔可以隨便收，就算係鄭中基送，我都唔會收。送禮唔需要富貴，送有心思生日禮物畀我就得。」
採訪：林妃