「民進黨上台後，台灣經濟真係差咗好多。2000年我喺台南開網吧，一年蝕咗成100萬港紙。呢幾年來，台灣嘅景氣未好過。民進黨唔搞建設，淨係識叫口號，乜嘢希望台灣快樂，結果得佢哋圍內自己快樂：啲立委包晒啲工程嚟做，其他人就乜都分唔到，好似我哋讀過大學嘅都搵唔到工，焗住要出嚟揸的士搵食。」
「我嗰晚聽完陳水扁嘅講話，淨係覺得佢滿口荒唐言，冇啲真實性，一味博同情票。事實咁清楚，佢仲喺度呃，呃啲深綠分子，佢就係喺度搖擺喺度騙，甚麼三審一審，審完佢都夠鐘唔使落台啦。一句講晒，貪污係唔啱嘅，應該將陳水扁判刑。我估民進黨如果下月初喺台北同高雄市長選舉大敗，國民黨再畀壓力佢，加上倒閣同埋施明德嘅紅衫軍，阿扁可能會喺明年初落台。」
採訪：蔡志郁 攝影：李家皓