沈殿霞（肥姐）入院50日後，日前出院返回九龍塘寓所休養。做過兩個大手術的肥姐，病榻期間一度神志不清，更完全認不出愛女欣宜，並對着床邊含淚的欣宜說：「你唔使喊，媽咪好快返嚟，你媽咪好錫你！」
沈殿霞因接受肝膽病手術留院近兩個月，日前終出院返回九龍塘寓所休養。大病初癒的她接受無綫《東張西望》的訪問，談到自己可以大步檻過，全靠大家的關心和支持，更難捨愛女欣宜，她說：「佢成日探我，冇喺我面前喊過，不過護士講畀我知，佢轉頭就匿埋喺度喊。」
「一定要活落去」
肥姐談到欣宜不敢哭於她面前時熱淚盈眶，說話時聲音顫抖，她說：「我都好感動，佢得19歲，我真係有乜事佢唔知點算，我有tumor（腫瘤），我冇流過一滴眼淚，我同醫生講，你想點醫，我將生命交畀你，我個女得19歲，我一定要活落去，做人最緊要堅強positive（積極）啲，一定可以捱得過。」
肥姐透露在病榻期間一度神志不清，更認不出欣宜，她說：「有一個時期我唔認得佢。」然後她拖着愛女的手，叫乖女，欣宜回應說：「我好乖女，媽咪。」肥姐承認有段時期十分危險，當時欣宜在床邊望着她淚如雨下，欣宜說：「我同媽咪講，我係你個女，我問媽咪知唔知我係邊個，我好掛住你，你一定要好番。」
欣宜續說：「我記得媽咪個表情好surprise，佢同我講『你唔使喊，媽咪好快返嚟，你媽咪好錫你』當時佢已經唔認得我。」
在訪問中，肥姐再提到非法闖入深切治療部拍攝她的印傭，她激動地說：「當然唔開心啦！第一，佢唔尊重政府醫管局規例，除咗我仲有其他人，有好多人仲危險過我，影響到人，人命攸關，我覺得呢個人動機比較卑鄙。」對於印傭被判入獄四星期，肥姐說：「我尊重法庭裁決，唔畀佢少少懲罰，呢個人第日會無法無天。」
167萬人撐肥姐
另外，昨日肥姐足不出戶，在家中休息，欣宜下午2時離開九龍塘寓所。下午3時，肥姐的姊姊前往探望肥姐，大約7時離開。至於前晚播出肥姐訪問的《東張西望》，最高錄得26點收視（約167萬觀眾），平均收視為24點（約154萬觀眾），較平日多近19萬觀眾，可見市民很關心肥姐的健康。
採訪、攝影：楊潔雯、馬建華、林德雄
