應屆亞洲小姐亞軍孟玲，噚日同季軍韓燕及最上鏡小姐曾敏去到深圳出席「愛康健齒科連鎖現金獎頒贈儀式」，冠軍達蓮娜舒夫真高因簽證問題缺席。孟玲話攞到獎金之後想去台灣旅遊，不過之前一定要先返日本，同校方傾吓停學嘅問題，最重要係向爸爸請罪，佢話：「其實我係瞞住爸爸參選，只有媽媽知道，我同佢講話停學係返香港休息同玩，唔講係驚爸爸擔心。」孟玲話因為爸爸係個嚴父，所以都有少少驚。