這邊廂的鄧家爭產事件才剛告一段落，那邊廂的關海山（蝦叔）遺孀與前妻子女又掀起爭產風波。蝦叔與兩名前妻所生的子女關楚鴻和關至螢，昨日接受本報訪問時，透露已委託律師發信給蝦嫂，要求她出示蝦叔遺囑及知會他們亡父骨灰安放地點。
「要爭番啖氣」
關至螢激動地說：「佢生人又霸，死人又霸，我哋係要爭番啖氣啫，我哋商量好，攞番之後會攞出嚟做善事。」
她又說：「喪禮費用係我哋五兄弟姊妹一人一份，帛金有成200幾300萬，足夠買靈位，但之後帛金點分配係咪都要交代吓？爸爸中風前一個月，曾經約過我飲茶，展示咗啲物業房契畀我睇，我問點解，佢就話：『總之畀乜嘢你睇你就睇啦，你唔係我，你唔明㗎啦！』爸爸話唔會立遺囑，佢生前同我有幾個聯名保險箱戶口，放咗好多嘢，佢話有乜嘢事就攞出嚟畀阿哥家姊睇。」但她不肯透露保險箱內藏有甚麼。採訪、攝影：何永寧