木狼後衞域奇戴維斯喺日前對拓荒者場波時衰多口，半場嗰陣時話拓荒者班球員係曱甴；拓荒者教練麥米倫同其他球員當然㷫到火起，就因為戴維斯一番說話，激起拓荒者成班球員嘅鬥心，本來喺半場仲落後16分，到下半場初段仲落後緊13分，但奮力反擊之下就反敗為勝。戴維斯都可謂係木狼嘅輸波罪人。