王菲細女李嫣喺美國接受治療兔唇手術成功，老公李亞鵬之前講過會成立基金，名為「嫣然天使基金」，幫助同樣有顎裂嘅小朋友。日前李亞鵬嘅經理人馬葭話已經完成咗基金會嘅籌備工作，本月21號正式成立，不過王菲同李亞鵬到時唔會出席宣傳。據知王菲仍然未為基金會設定一個捐款目標，亦暫時未有藝人認捐。